FESTIVAL DE NADAL

 

Hoxe os trasnos quedamos encantados co bonito que quedou o festival de Nadal. Que ben o fixeron tódolos nenos do cole! Pasámolo moi divertido mirando por un buratiño tódalas actuacións dos cativos. Aquí vos deixamos a actuación dos pillabáns da clase amarela. Que marcha que teñen estes rapaces!

Grazas a tódalas familias que poidestes estar con eles, e as que non, pois agardamos que vos guste o video.

 

FESTIVAL DE NADAL from Bétol Pichel on Vimeo.

OS REIS MAGOS VISITAN O COLE

 

Que emoción se respiraba hoxe no cole, e non era para menos, tivemos a visita dos Reis Magos. Recolleron as cartas dos nenos e trouxeron unha chea de regaliños para o cole. Conócese que estes raparigos se portaron moi ben todo o ano.

 

OS REIS MAGOS VER PRESENTACIÓN DESCARGAR TODO

Bicos dos trasnos!

ANIVERSARIO DE NAYA

 

PARABÉNS NAYA

 

PREPARANDO O NADAL

 

Tódolos nenos están a participar na decoración do Nadal. Na aula amarela fixeron unhas guirnaldas para decora-la árbore que hai na porta da entrada.

Que bonita está quedando:

 

VISITA DO DENTISTA

 

Hoxe viñeron a dar unha charla de saúde buco-dental uns dentistas. Contáronnos que había que coidar moi ben os dentes, e como había que limpalos.

Como os nenos se portaron moi ben agasalláronos cun cepillo de dentes para que non se esquezan de os limpar a cotío.

 

 

Bicos dos trasnos.

PAN DE MILLO

 

O Equipo de Normalización e Dinamización Lingüística propuxo como actividade para todo o alumnado e profesorado do centro preparar cada mes unha canción para cantala todos xuntiños o último venres do mes logo do recreo.

Así que este mes os pequechos e pequechas prepararon Pan de millo, do grupo Migallas, aproveitando a época do ano na que nos atopamos.

Pero antes de cantala, estiveron a aprender que era o millo, e como se facía o pan, e mirade que cesta máis chula nos achegou a familia dun alumno. Onde poidemos ver e toca-lo millo e apalpar como queda a fariña antes e despois de peneirala.

 

Aquí vos deixamos un enlace para que poidades escoitar algo do tema do mes.

A bailar con Pan de millo!!

PAN DE MILLO

Bicos dos trasniños.

ANIVERSARIO DE ANTÍA

 

PARABÉNS ANTÍA!

 

OUTONO NA PASTORA

 

Que divertido o pasaron hoxe os nenos da nosa clase e os da clase da profe Dolo, que saíron todos xuntiños a merendar ó monte da Pastora. Pasearon polo monte, recolleron froitos, subiron ata o miradoiro e tiráronse follas uns ós outros.

Achegámosvos un vídeo ilustrativo.

Saúdos dos trasnos.

Outono na Pastora from Bétol Pichel on Vimeo.

TEATRO

 

Hoxe contounos un paxariño, bueno, un paxariño non, un trasniño de Pontevedra

que os nenos e nenas de 5º foron ver unha obra de teatro. A obra chámase “Nuncabunga”

e é da compañía Elefante Elegante, que ós trasniños nos gusta moito, e cando actúan en

Cambados ímolos ver agochadiños tra-la lona.

Se picades aquí, Nuncabunga, podedes ver unha pequena presentación da obra.

 

  

  

MAGOSTO

 

Celebrámo-lo Magosto na escola. Os pequerrechos saíron mirar o lume.

Logo comeron as castañas asadas que estaban moi ricas, que quedaron

unhas poucas sobras e nós pola noite comémolas.

Fixemos este video coa canción que tiñan preparada todos os alumnos do cole

para cantar xuntiños ó remata-la comilona.

Magosto non chas quero from Bétol Pichel on Vimeo.

Saúde,

os trasnos.

IMOS PREPARANDO O MAGOSTO

O vindeiro martes celebraremos a festa do magosto, por iso na aula amarela, os nenos
están a preparar a bolsa para gardar as castañas e pintando unha castaña.
      
Tamén escoitamos que andan a preparar unha canción moi bonita que se chama “non chas
quero” e que van a cantar con tódolos nenos do cole o día da festa.
Pasadeo ben!

FESTA DO SAMAÍN

 

VAIA SUSTO LEVAMOS CANDO CHEGARON OS CATIVOS Á CLASE!

Os trasnos pensamos que nos invadían bruxas, pantasmas, demos,…, menos mal que xa nos demos conta de que hoxe é a festa do Samaín.

                                            

                                                          

Que divertido! Os nenos disfrázáronse e no cole houbo talleres para pasalo de medo.

Na clase amarela tocou o taller de cociña, mirade que delicias prepararon os nenos, a que son arrepiantes?

                                                     

                                            

E logo…, tocou papalas.

   

   

   

Un bico dos trasnos.

PREPARANDO O SAMAÍN

Os cativos e cativas comezaron a prepararse para a festa do Samaín, que medo!!.

Pintaron cabazas e algúns rapaces xa foron traendo algunhas das súas casas.

Menudo susto nos levamos os trasnos cando nos atopamos con elas na clase!

     

     

A PLUMILLA

 

Logo da pluma inventouse a plumilla, xa que as plumas de ave eran moi febles e partían con facilidade.

Para escribir ou debuxar coa plumilla tamén se molla na tinta coma coas plumas de ave.

Hoxe achegouse Sara, a filla da profe Dolo á nosa clase para facernos un debuxo a plumilla ben lindo dun trasniño.

Será algún de nós dos que andamos a trafegar polo cole da Pastora? Shhhhh, é un segredo.

Os rapaces tamén fixeron moi bos debuxos coas plumillas. Están feitos uns artistazas!

Mirade que ben lle quedou o debuxo do trasno a Sara. A quen se nos asemellará?

Saudíños dos trasnos.

ANTES ESCRIBÍAN CON PLUMAS DE AVE!!

Dentro do proxecto dos inventos que cambiaron a escola, hoxe os nenos traballaron con plumas de ave. Primeiro a mestra axudounos a pintar collendo tinta do tinteiro:

E logo xa se animaron eles soíños a pintar coas plumas mollando na tinta de cores, Fixeron cousas ben bonitas.

Bicos dos trasnos.