Blog da clase amarela da EEI da Pastora. Travesía de Santa Mariña, nº5, Cambados (claseamarela@gmail.com)
Coa primavera chega a Festa dos Maios.
Os nenos da clase amarela traballaron arreo para axudar a decorar o Maio que fixeron as profes no patio.
Ós trasnos encántanos esta festa, porque á noitiña, cando os pequechos están nas casas, saímos a bailar a danza da primaver arredor do Maio.
Bicos dos trasnos!
Hoxe veu á clase amarela Cristina, a nai de Aarón, a contarnos o conto do Pirata Calavera. Aarón axudoulle moi ben a contalo e todos estiveron moi atentos.
Grazas Cristina!
Gustounos moito!
No cole todos celebraron o día do libro, e as profes trouxeron un montón de libros distintos para facer unha exposición. Os trasnos tamén estivemos mirando os libros á noitiña cando todo estaba en calma. Había libros de tódolos tipos: contos infantís, libros de maiores, contos noutros idiomas, libros de pintores, de animais,….
A mochila viaxeira continua a súa andaina. Desta volta tócalle a Naya.
Boa viaxe e boas lecturas!
Os trasnos xa tiñamos ganas de que voltasen os nenos e nenas á escola, que nos estabamos a aburrir.
Así que… sorpresa!!!
Deixámoslles uns agasallos de benvida.
O encargado abriu os paquetes e neles había dous xogos para os recunchos da aula.
Pero o que máis ilusión lles fixo foi o contido da caixa branca….
… uns vermes!!!!
A profe Dolo díxolles que eran vermes deses que fan seda e os nenos e a profe Bétol miraron en Internet e aprenderon cousas para coidalos: que comen moreira (e que no cole hai unha moreira), que fan un capullo de seda e ali quedan durmidiños e dos capullos saen bolboretas!!!
Que contentos estamos os trasnos de que vos gusten!!!
PARABÉNS PAULA!
